Lihim ng Puso

     Paano ko sasabihin sa iyo ang mapait na katotohanan? Alam ko na masasaktan ka sa bawat salitang maririnig mo. Hindi ko ito gusto. Hindi ko intensyong saktan ka. Sinisisi ko ang sarili ko dahil hindi ko sinabi sa iyo kaagad. Nararamdaman ko ang hapdi na idinudulot ko. Nasasaktan ako dahil sa kamaliang ginagawa ko. Umaasa ka… naghihintay subalit alam ko na maglalaho ang lahat ng pinagsamahan natin at mapopoot ka sa akin.

     Patawad… natatangay ako sa agos ng mga pangyayari. Patawarin mo ako,  naglihim ako sa iyo. Hindi ko alam kung paano ko ito sasabihin sa iyo. Ni hindi ko alam kung ano ang unang salitang lalabas sa bibig ko. Kung sisiyasatin mo lamang ang puso ko sa sandaling ito, malalaman mo na nasasaktan ako nang higit pa sa sakit na mararamdaman mo.